أنا إنسان مع نفسي قبـل لا أكـون معـك إنسـان
ولـي مبـدأ ولـي نظـره وتحكمنـي قناعـاتـي
أحاسيسـي حقيقـه ثابتـه بالوصـل والهجـران
أنـا طبعـي اذا حبيـت أحـب بكـل حـالاتـي
منـادي والنـدا نابـع مـن الوجـدان للوجـدان
اذا ما ينطـق إحساسـي حديثـي يشبـه سكاتـي
غموضي في الهوى تصريح سرّه يفضح الكتمـان
ونظرات الولـه والوجـد هـي أجمـل عباراتـي
ولا أجامل باحاسيسي ولا أقبل في الهوى إحسـان
ولا للمصلحـه يــا سـيـدي دور بعلاقـاتـي
ولو ألغي شعوري ما بقى لـي صاحـب وخـلان
يرافقني علـى مـر الزمـن جرحـي ودمعاتـي
أحب الصدق وأعمل به كسبت أو كنت أنا الخسران
ولـو صدقـي يخسرنـي تشرفنـي خسـاراتـي
رفيق العمر لو تجفا ونبـض الحـرف والشريـان
اذا مـا غصـت بأعماقـي متـى تفهـم معاناتـي
على كثر الخطا غافر ولا أغفـر غلطـة الخـوّان
جـزاه الصـد والفرقـا ولـو عانـدت رغباتـي
ولـولا العفـو ماخطينـا ولا نحيـا بـلا غفـران
خطايانـا دليـل إنّـا بشـر ومنّـا الخطـا ذاتـي
على صدر الزمن بكتب شعوري موعـد وعنـوان
تعرف الشوق لـو فتشـت عـن سـر ابتساماتـي
واذا كان الهوى نعمـه بحطـك نعمـة الرحمـن
واذا كان الهـوى غلطـه بحطـك كـل غلطاتـي
الإثنين ديسمبر 13, 2010 1:57 pm
