أجمل شعــــور..

للاستماع
أجمل شعور
**
أجمل شعور إنك تعيش بلا شعور
000000000 أصدق تنصــّـل من ( حقيقة دنيتك ) !
**
واكبر هزيمه للشقا إنك صبور
000000000 ينهار لامنه يناظر بسمتك !
**
لا شحّت يدين الزمن فرح و سرور
000000000 اصبر .. وعلمها جزايل مدتك
**
لا بالمســا ظلمه ولا به ضيّ نور
000000000 ولا بالنهار أنوار تمحي عتمتك !
**
عايش لجل موتك تنفّــس في قبور
000000000 صخب النهار ولجتّه ما همتك !
**
ضيقة حياتك / كيف تلقى لك عبور
000000000 من واقع أحزانك و تصنع فرحتك
**
دامك (حكمت) لصرختك ألاّ تثور ،
000000000 خلك على خبرك و وفـّر صرختك
**
حاول تغض الطرف عن بعض الآمور
000000000 درّب عيونك كيف تفهم (حكمتك) ..
**
حاول تعمّر من قناعاتك قصور000000000
واترك صحاري هالزمن لو وسْعتك
**
حاول تعيش بهالزمن من غير دور
000000000 دوّر على حجـــّه تغطي زلتك !
**
ما كل ما يغلي وسط صدرك يفور
000000000 بعض الحروف إن عفتها ما ضمتك !
**
فــكْر . . ورضيته لو هو لغيري يبور
000000000 كثر التشابه . . ما يعزّز غلطتك !
**
وين انت مقفي بس والواقع غيور
000000000 بيقتل أحلامك عشان محبتك !
**
ريــّح خفوقك ماعلى الدنيا قصور
000000000 دامك تعيش بظلها محتضنتك !
**

رائع رحمة
سلامي

الاخ سليم
الاخت حنين خالد