ابنى عريس الحور فى الجنه

ولدى
ولدى
ولدى ياولدى ياضى عنيه
ياتعبى ف قلبى وغالى عليه
روحت انا وانت للمنشيه
سمعت لصوتك يهتف بيه
لقيتنى بقوه باقول وياك
وشبابنا بيقولها قويه
الحريه
الحريه
هى النور والهوا والميه
الحريه
الحريه
اغلى مبادئنا الثوريه

شوفت نيران شوفت بارود
ايوه قنابل جابيه الموت
شوفتك يابنى وانت ضحيه
دمك سطر فى المنشيه
قصه حاتحكيها الاجيال
لما يسأل طفل سؤال
فى الثوره كان مين ابطال
ابنى فى ابطال المنشيه

الحريه
الحريه
هى النور والهوا والميه
الحريه
اغلى مبادئنا الثوريه

رجعت لبيتنا ماشى وحيد
بعد ماكنا ايدفى الايد
مالى قلبى حزين وسعيد
لقيت الناس وكأنى ف عيد
بيباركوا لى ابنى شهيد

والله ياولدى عشت اتمنى
كنت تاخدنى معاك استنى
لازم اعمل زفه وحنه
ابنى عريس الحور فى الجنه
نام يا حبيب الروح واتهنى

وعشان مصر الدنيا تعيش
تهون الروح والانا والانت
وتعيش هى
ولدى ياغالى يا صافى النيه
اسمك مكتوب فى المنشيه
اسمك موجود فى المنشيه
دمك موجود فى المنشيه

الاميرة سهام كتب:

تحية لكل ابطال الثورة

تحية لمن نادى في مصر بالحرية

سلمتـ يداك عم يسري

الله لا يحرمنا من تواجدك معنا

تحياتي

الاميرة سهام

كلك ذوق ربنا يجعل ايامكم سعيده مصر بتحبكم لو كانت مصر القلب انتوا النبض اللى فيه

حنين خالد كتب:

قل الحمدلله
لان دم الشهداء ما راح هباء

فعلا اثبتوا انكم احرار وبارك الله فيكم

واشكركم من كل قلبي لفتح معبر رفح لاخوننا في غزة اشكرك

ثوره مصر ثورة شباب وامل وعمل وجهاد وحب مصر بتحبكم ولو كانت مصر الروح فاانتم سر الاله