...مسافرة...
مسافرة..وأدري طريقي صعب,وتدري مشيته غصب
وأصعب سفر لو كان...مايودي لمكان...
مسافرة...
للمستحيل...مالي مقام...مالي رحيل
ومالي دليل...ولا تواريخ...وزمان
مسافرة...
وأطلب وداع ماهو مثل باقي الوداع
وفراق جدآ مختلف...به شوق وشموع وحنان
مسافره...
ولو هي الدروب نيران وأشواك وهروب
بمشي وأنا عندي أمل...إن الأمل باكر يبان
مسافره...
وصار لي سنين من يوم جرح الياسمين
قصة زهر ذبل وشذاه عطر ليالي العاشقين, وماكنه في اللأغصان كان
مسافرة...
وفي رحلتي آخر بقايا قصتي مع صرختي
وآخر ظهور لحسرتي...يوم عزتي صارت هوان
مسافرة...
وعندك خبر إن الأطباء والعلاج
ماتعلموا جبر الزجاج...ومحد قسى وبالطب لان
مسافرة...
...وباكر أعود وأنثر على دروبي الورود
وأستقبل رجوعي و أقول...سافرت وش باقي رهان?..
مسافرة...
قبل الجروح...وقبل أنت لا تفكر تروح
ولاتقول لك قلب"وفي" لو هو"وفي" ماكان خان!!..
مسافرة...
وسفري عجيب ماله تذاكر أو سفر...لأني أنا اللي كنت أغيب
ولا أنت الذي عندي حضر...رغم أننا في نفس المكان...
..ب...
السبت يناير 15, 2011 3:17 am
