ملتقـى اصحابنـا
مرحبا بكل من انضم الينا في منتدانا ومنتداكم واتمنى ان ينال اعجابكم

ملتقـى اصحابنـا

ملتقـى التعارف والمواضيـع الهادفة
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 اه ياغنيوة زمان للشاعر يسرى عثمان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
yousry_osman
عضو مشارك
عضو مشارك
avatar

عدد المساهمات : 55
تاريخ التسجيل : 15/01/2011
العمر : 63
الموقع : alex

مُساهمةموضوع: اه ياغنيوة زمان للشاعر يسرى عثمان   الجمعة مارس 30, 2012 12:08 pm

الاهمسك الا لمسك
كل لحظه اعيشها جنبك
تبقى احلى م ا لخيال
ايه حكايتك هو سحرك
واللا حنيه فى قلبك
خلى بعدى شىء محال
دانتى شمعه وانتى نور
وانتى سر بأ لف سور

لما بحلم بيكى بالقى
قلبى يسأ لنى سؤال
انتى مين انتى فين
انتى جنبى واللا جنبك
عمرى حايفوت والسنين

واللا على رأى اللى قال
قلبى مال واللى مال
ذنبه شوق فرقه وحنين
واللا حافرح واللا قلبى يعيش حزين
انتى مين انتى فين
انتى همسه واللا لمسه
واللا قلب ملان انين

انتى اجمل ابتسا مه
انتى للعاشقين علامه
انتى سكة السلامه
انتى مين

انتى مصر
ام كل الدنيا مصر
لما اهلك غربوكى
لما ابنك ضر""ابوكى
والزوانى دربوكى
تبقى بلياتشو الزمان
عاللى كان واللى بان اه يا غنيوة زمان
غربوا فيكى الامان
والحنان سلموه والصولجان
للى خان
واللى ماله فى يوم امان
نام وبرطع كا الحيتان
وقف الزما ن ضاع الامان
اه ياغنيوة زمان

لما قولتى انا يابنى مصر
يكتبوا التاريخ بمصر
يحلفوا ام الدنيا مصر
ست كل تاريخ وعصر

قومنا احنا عاللى خان
جبنا منه الصولجان
خد نا مفاتيح البيبان
عاللى بان واللى كان اهة يا غنيوة زمان

كل ده ولسه انتى عايشه
لسه انتى يا مصر حايشه
عننا غدر الزمان
لما قولنا نزوقوكى
بكل غالى نشوروكى
زفتك من دار ابوكى
ليه عيالك وسط فرحك
بكل غدربيضربوكى
لطشوا فيكى الزواق
خلوا قلب الحقد فاق
غرقوكى فى الرياء
كل حلو فيكى ساء
اه يا غنيوة زماناه يا ولادة يا غاليه
اه يا وداده ياعاليه
ساكنه لسه عيونى ماليه
كل قلبى حنين وحب

ضيعوا مهرك ياغاليه
اللى صايع واللى ضايع واللى بليه
واللى همه المزاج ودماغه عاليه
واللى باع ولده ومراته عشان وقيه

اه يا غنيوة زمان اه يا حب حقيقى بان
طالبه نزود جهدنا ونربط حزام
لوكان علينا كلنا دا شىء تمام
مش حبه تهبر الحلل
والباقى يلحس الادام
مايكونشى رزقك دا حرام
ليه توب عفتك مليان خرام
يام العباده والصلاه يام الصيام

ادخلوا مصر ياعالم آمنين
طب لونويتوا تيجوا حا تقابلوا مين
اللى بيهبش م الشمال
واللى بينهش م اليمين

عا البلطجى قالوا شهيد
واللى باع قطر الصعيد
عملوه شهيد
واما الشعب بقى عا الحديد
باعوا الحديد
هات لى حد فى مصر النهارده يكون سعيد

كسروا ارض الشوارع وقالوا غاز
وليلة راس السنه ردموه قزاز
برضوا اللى خاين نعمتك هو اللى فاز
اما اللى ستر عورتك حرقوه بجاز

فى النهايه عايزه انتى ايه
عايزاه يستر اللى بان
عايزاه يقفل البيبان
طالبه الامان م اللى خان
عاللى كان اه يا غنيوة زمان

لكن
لسه نور الفجر باين
لسه فيه ورد الجناين
قوم يا قلبى شوف وعاين
الربيع والفرح جاى

جاى هناك ومعاه املنا
نبدر الحب لعيالنا
يجنوا هم نجاح عملنا
من صميم الضلمه ضى

اه يا حلم حقيقى بان اه يا غنيوة زمان
الرجوع الى أعلى الصفحة اذهب الى الأسفل
الاميرة سهام
مدير
مدير
avatar

عدد المساهمات : 3142
تاريخ التسجيل : 26/11/2010
العمر : 28

مُساهمةموضوع: رد: اه ياغنيوة زمان للشاعر يسرى عثمان   السبت يوليو 21, 2012 5:28 am

جميـــــــــل ما خطه قلمك هنـا
جعل الله ارض مصر ارضا آمنـــة مستقرة باذن الله
دمت بخير... دمت بود

_________________

لـِنكُنْ آروَاحْ رَاقِـيَـة
نَتسـامْى عَنْ سَفـاسِفَ الأمُـورْ وَعـَنْ كُـلْ مَـايَخِدشُ نـَقائِنـا
نًحترِمْ ذآتنـَا وَنـَحتـِرمْ الغَـيْـر .. عِنـدَمـْا نتـَحدثْ نتحَـدثْ بِعُمـْق
نـَطلبْ بـأدبْ .. وَنشُكر بـِذوَقْ .. وَنـَعتذِرْ بِـصدقْ
نتـَرفـْع عَـن التفَاهـَاتـْ والقِيـلَ والقـَالْ .. نُحِبْ بـِصَمتْ وَنغَضبْ بـِصَمتْ
وإنْ آردنـَا الـَرحِيلْ ..
نَرحـَلْ بـِصَمتْ
الرجوع الى أعلى الصفحة اذهب الى الأسفل
 
اه ياغنيوة زمان للشاعر يسرى عثمان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقـى اصحابنـا :: القســـم الادبــي :: كــلام محــابر-
انتقل الى: